
大寶伏藏TD57སྨན་མཆོད། མཆོག་གླིང་། ཞི་ཁྲོ་ན་རཀ་དོང་སྤྲུགས།
4-9-1a
༄༅། །སྨན་མཆོད། མཆོག་གླིང་། ཞི་ཁྲོ་ན་རཀ་དོང་སྤྲུགས།
༄༅། །(སྨན་མཆོད་ནི།) ཁྱབ་བདག་བླ་མ་ཀུན་ཏུ་བཟང་པོ་དང་། །རྒྱལ་ཚབས་རིགས་ལྔ་རྒྱལ་སྲས་རིགས་གསུམ་མགོན། །རིགས་ཅན་ལྔ་དང་རྒྱལ་པོ་ཛཿརྣམས་ལ། །སྨན་མཆོད་འབུལ་ལོ་མཆོག་མཐུན་དངོས་གྲུབ་སྩོལ། །ཀུ་ཀུ་རཱ་ཛ་ཨིནྡྲ་བྷཱུ་ཏིའི་ཞབས། །སིཾ་ཧ་རཱ་ཛ་ཨུ་པ་རཱ་ཛ་ཆེ། །གོམས་དང་སྒེག་པ་རྡོ་རྗེ་ལ། །སྨན་མཆོད༴ །རྒྱལ་པོ་ཀུ་ཀུ་རོ་ལངས་བདེ་བ་མཆོག །རྡོ་རྗེ་བཞད་པ་རཱ་ཛ་པྲ་ཧསྟི། །སངས་རྒྱས་གསང་བ་དྲི་མེད་གཤེས་གཉེན་ལ། །སྨན་མཆོད༴ དཀྱིལ་འཁོར་ཀུན་བདག་པདྨ་སཾབྷ་བ། །ཡེ་ཤེས་མཚོ་རྒྱལ་ཁྲི་སྲོང་དམའ་འཛིན་རྗེ། །གསང་རྒྱུད་བཀའ་བ་བརྨ་གཉགས་གནུབས་གསུམ་ལ། །སྨན་མཆོད༴ མཆོག་གྱུར་གླིང་པ་ཐེག་མཆོག་རྡོ་རྗེའི་མཚན། །དབང་བསྐུར་རྒྱུད་བཤད་མན་ངག་ལུང་ཕོག་པའི། །རྩ་བརྒྱུད་བླ་མ་བཀའ་དྲིན་ཅན་རྣམས་ལ། །སྨན་མཆོད༴ སྒྱུ་འཕྲུལ་དྲྭ་བཞི་དང་ཁྲོ་བོའི་ལྷ། །གནས་གསུམ་མཁའ་འགྲོ་དམ་ཅན་ཆོས་སྐྱོང་ཚོགས། །འཁོར་འདས་མཉམ་ཉིད་རྒྱལ་བའི་དཀྱིལ་འཁོར་ལ། །སྨན་མཆོད་འབུལ་ལོ་མཆོག་མཐུན་དངོས་གྲུབ་སྩོལ། །སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི།། །།ཞེས་པའང་ཀརྨ་པ་བཅུ་བཞི་པས་བྲིས་པ་དགེ།༔ ༔


